जनबहाः द्यःया नितिं छगू करोड बजेट
नेवा: अनलाइन न्युज – ललेन्द्र शाक्य | नेपाल संवत ११४४ दिल्लाथ्व पंचमी (२०८१ असार २७ गते) बिहिवाः
येँया जनबहाःद्यःया लागाय् पूर्वाधार ज्याया नितिं संघीय सरकारं छगू करोड तकाया बजेट तयाब्यूगु दु ।
जनता समाजवादी पार्टीया नेता लिसें नेवाः न्ह्यलुवाः राजेन्द्र श्रेष्ठया कुतलय् थथे थुगु दँ २०८१ / ०८२ या बजेटय् थथे छगू करोड दां जनबहाःद्यःया नितिं तयाब्यूगु खः ।
नेवाः न्ह्यलुवाः श्रेष्ठं थःपिन्सं निर्वाचन क्षेत्र ७ य् लाःगु ऐतिहासिक महत्व दूगु बहाः जनबहाःद्यःया नितिं बजेट फ्यायेत अर्थमन्त्रालययात इनाप यानागु कथं थथे बजेट तयाब्यूगु खँया जानकारी बियादीगु दु ।
थुगु बजेट जनबहाःद्यःया बहाः दुने पूर्वाधारया थीथी ज्या यायेगु नितिं फ्याःगु खः ।
जनबहाःद्यःया देगः पुनःनिर्माणया ज्या धाःसा नेपालय् च्वंगु भारतीय राजदूतावासया ग्वाहालिं जुयाच्वंगु दु ।
Categorized in स्थानिय-समाज