जिमिगु बारे
म्हसीका ः
नेपालभाषाया पत्रकारिता ख्यः स्वयेगु खःसा झीपिं खँय् भाय्या लिसेलिसे हे धेंधेंबल्ला यानाः न्ह्यज्यानाच्वनागु दु । २०४६ सालया ह्यूपाः लिपा व्यावसायिक पत्रकारिताया लहर वल । तःधंपिं लगानीकर्ताया मिखाय् खँय् भाय् ‘डिफल्ट’ भाय् थें जुयाबिल । थ्व दंदं न्ह्यःनिसेंया सत्ता संरक्षणया करामत खः धकाः झीसं स्यू । तर नेवाःतसें नं थःगु धर्म मत्वःतू ।
सूचना प्रविधिया थौंया ईयात ल्वयेक न्ह्याः वनेत नं नेवाःत उतिकं सक्षम खः । थ्व गुगुं हाथ्या मखु, स्वाभाविकता खः । याकनं नं पिदनीगु, थःत यःगु, ल्वःगु इलय् स्वयेदइगु अले अभिलेख नं अःपुक हे स्वये दइगु जुयाः नं थुकथं अनलाइन मिडिया गति न्ह्याःवंगु खः । न्हूगु पुस्ताया खँ ल्हायेगु खःसा अनलाइन मिडिया छगू दैनिक आवश्यकताया रुपय् स्थापित नं जुइधुंकूगु दु ।
थुकिं नं नेवाः अनलाइन छाय् माल धइगु खँ झीगु न्ह्यःने स्पष्ट जुइ । झीगु थःगु खँया सम्प्रेषण यायेगु अले देय् दुने व हलिंया खँयात झीगु थःगु हे भाय्या माध्यमं सम्प्रेषण यायेगु हे थुकिया ताः खः । हानं थौंकन्हय् गुगु पहिचानया सवाल पिथनाच्वंगु दु, थ्व ल्याखं स्वयेगु खःसा नेवाः अस्तित्व व पहिचानया निंतिं नं नेवाः अनलाइनया उतिकं महत्व खनेदइ । वस्तुतः नेपाः दुनेया नेवाःतसें थौंतक नं गुगु अस्तित्व व पहिचान कायम यानावयाच्वंगु दु, थुकियात संचारख्यलय् नं ल्यंका तयेगु लँपु धइगु नं ‘नेवाः अनलाइन’ जुइमाः ।
थ्व न्हूगु पुस्तालिसें स्वापू तयाः नेवाः भावनायात हस्तान्तरण यायेगु निंतिं नं उतिकं उपयोगी सिद्ध जुइ धइगु जिमिगु विश्वास दु ।
ज्यासना पुचः
संरक्षक
विजयकृष्ण श्रेष्ठ
विजयरत्न असंबरे
प्रमुख
सुजीव बज्राचार्य
सम्पादक
ललेन्द्र शाक्य
सम्पादन पुचः
राजीव राजोपाध्याय
राकेश महर्जन
रवि महर्जन
अजय खड्गी
संम्वादाता
इन्द्रमान मर्हजन
बिज्ञापन ब्यबस्थापक
गिरिधरलाल अमात्य
फाेटाेग्राफर
विनाेद तुलाधर
