“मज्यू” जुइगु इलय् मिसा ट्राफिक प्रहरीं सतकय् ड्युटी यायेम्वाःलीगु
![](https://www.newaonlinenews.com/sites/default/files/misa%20t.jpg)
नेवा: अनलाइन न्युज – ललेन्द्र शाक्य | नेपाल संवत ११४४ पंचमी (२०८१ जेष्ठ १५ गते) मंगलवाः
मापसे यानाः ट्राफिक नियम उल्लंघन याःपिन्सं स्वयंसेवकया रुपं सतकय् ग्वाहालि याइ
गृहमन्त्री रवि लामिछानें “मज्यू” (महिनावारी) जूगु इलय् मिसा ट्राफिक प्रहरीं ड्युटी यायेम्वाःलीगु व्यवस्था याःगु जानकारी ब्यूगु दु । उकिया पलेसा मापसे यानाः ट्राफिक नियम उल्लंघन याःपिन्सं स्वयंसेवकया रुपं सतकय् ग्वाहालि याइगु जूगु दु ।
गृहमन्त्री लामिछानें थ्व जानकारी सामाजिक संजालपाखें ब्यूगु खः ।
गणतन्त्र दिवसया लसताय् चीधंगु कुतः यानागु धासें लामिछानें च्वःगु दु, “आःनिसें मिसा ट्राफिक प्रहरीपिन्सं “मज्यू” (महिनावारी) जूगुया प्यन्हतक सतकय् ड्युटी यायेम्वाः, मापसे लिसेंया ट्राफिक नियमया उल्लंघन याःपिन्सं स्वयंसेवकया रुपं मिसा ट्राफिक प्रहरीपिनिगु पलेसा सतकय् ग्वाहालि याइ ।”
Categorized in बजाः