सीतापाईलाय् पार्किङ यानातःगु कारय् मिँ
नेवा: अनलाइन न्युज | नेपाल संवत ११४४ कौलागा चौथी (२०८१ कार्तिक ५ गते) सोमवाः
येँया सीतापाईलाय् पार्किङ यानातःगु कारय् मिँ च्याःगु दु ।
बा प्र ०२ ०२९ च ५९५० ल्याःया विद्युतीय कारय् मिँ च्याःगु प्रहरीं जानकारी ब्यूगु दु ।
येँ महानगरपालिका १५ य् च्वंगु सीतापाईलाय् च्वंगु विश्वास स्पोर्टस् सर्भिस सेन्टरय् उगु कार पार्किङय् तयातःगु खः । प्रहरीया कथं कारय् ब्याट्री सर्ट जुयाः कुँत्याः पिहाँ वःगु खः ।
प्रहरी, दमकल व स्थानीयया ग्वाहालिपाखें उगु कुँ नियन्त्रणय् काःगु प्रहरीं जानकारी ब्यूगु दु ।
प्रहरीया कथं घटनाय् छुं मानवीय क्षति जूगु मदु ।
Categorized in दुर्घटना-अपराध
