नेवा: अनलाइन न्युज – निश्चल | नेपाल संवत ११४५ कछलाथ्व सकिमना पुन्ही (२०८१ कार्तिक ३० गते) शुक्रवाः

सकिमिला पुन्हीया लसताय् येँया स्वयम्भु महाचैत्यय् चतुराषती पुष्प पूजा थौं शुक्रवाः सुथय् क्वचाःगु दु ।

भगवान बुद्धं ८४ द्वः धर्म स्कन्द यानाबिज्याःगु लुमन्तिइ थथे वंगु स्वदँ न्ह्यःनिसें स्वयम्भुइ ८४ द्वः तफ्वः स्वाँया पुष्प पूजा धार्मिक ज्याझ्वः यानाः वयाच्वंगु खः ।

स्वयम्भु महाचैत्य व जःखःया चैत्यय् स्वाँ हे स्वाँ ब्वयाः याःगु उगु पूजाया मूपाहाँ कथं स्वयम्भु संरक्षण महाविहार महासमितिया नायः लिसें आनन्दकुटी विहारया कार्यबाहक नायः भिक्षु धर्ममूर्ति महास्थवीर बिज्याःगु खःसा थथे ज्याझ्वः येँया १९ वडा कंगलय् च्वंगु नमूना बिहारं याःगु खः ।

ज्याझ्वलय् द्वलंद्वः भक्तजनपिनिगु सहभागी दूगु खःसा भिक्षुपिं पाखें धर्मदेशना ज्याझ्वः नं जूगु खः ।

Categorized in स्थानिय-समाज