विद्युत अवरुद्ध जुयाः चन्द्रागिरि केबलकारय् यात्रुत समस्या
![](https://www.newaonlinenews.com/sites/default/files/rrrr_9.jpg)
नेवा: अनलाइन न्युज – निश्चल | नेपाल संवत ११४४ दिल्लाथ्व एकादशी (२०८१ श्रावण २ गते) बुधवाः
विद्युत अवरुद्ध जुयाः थ्यमथ्यं डेढ घण्टा दिइगु चन्द्रागिरि केबलकार सञ्चालनय् वंगु दु । थौं बुधवाः हिनय् साढे १ बजे विद्युत अवरुद्ध जुयाः केबलकार हिनय् ३ बजे लिपा जक सञ्चालन जुगु खः ।
जिल्ला प्रहरी परिसर येँया प्रवक्ता एसपी नवराज अधिकारीया कथं विद्युत अवरुद्ध जुइवं केबलकारय् लानाच्वपिं यात्रुतय्त स्वाने तयाः क्वय् क्वकाःगु खः । ८ म्ह यात्रुया क्वकाये धुंकाः केवलकार सञ्चालनय् वंगु एसपी अधिकारी जानकारी ब्यूगु दु ।
Categorized in स्थानिय-समाज