लुँ वहः पसः तिनाः न्हूसतकं विरोध प्रदर्शन याइगु
नेवा: अनलाइन न्युज | नेपाल संवत ११४४ तछलागा चौथी (असार ११ गते) मंगलवाः
सरकारं वइगु आर्थिक दँ २०८१/०८२ निसें लुँया भन्सार दर १५ प्रतिशतं २० प्रतिशत याःगु विरोधय् काठमाडौं सुनचाँदी व्यवसायी संघं विरोध प्रदर्शन याइगु जूगु दु ।
संघं ब्यूगु जानकारी कथं कन्हय् बुधवाः येँया फुक्क लुँ वहः पसःत तिनाः सुथय् ११ ता इलय् न्हूसतक ध्वाखाय् मुनाः जुलुस प्रदर्शन याइगु जूगु दु ।
संघं सरकारयात सुनचाँदी व्यवसायीपिनिगु थीथी झिगू संगठनं मंकाः कथं ज्ञापन पौ बियाः नं भन्सार दर क्वमपाःगुलिं थुकिया विरोध प्रदर्शन यायेत्यनागु जानकारी ब्यूगु दु ।
संघं लुँया भावय् ५ प्रतिशत भन्सार दर अप्वयेकूगुलिं लुँया भाः थाहाँ वंगु खँ धाःगु दु ।
