नेवा: अनलाइन न्युज – विजयरत्न | नेपाल संवत ११४५ कछलागा तृतीया (२०८१ मंसीर ३ गते) सोमवाः

यल इन्टरटेन्मेन्टया ग्वसालय् शनिवाः छगू लिटल नेशनालिटी स्टार 2081 ब्युटी पेजेण्ट जुगु दु । उगु कासाय् ब्वति काःपिं मिजं मस्तमध्ये अनुभव गौतम व मिसा मस्तमध्ये स्नेहा अधिकारीं लिटल नेशनालिटी स्टार २०८१ या उपाधी त्याकेत ताःलाःगु दु ।

उगु ज्याझ्वः ग्वसाखलःया गौतम तण्डुकारं संयोजन यानादीगु खः । सभानायः इन्जिनियर ऋषि कोइराला जुयादीगु ज्याझ्वः बागमती प्रदेशया संस्कृति, पर्यटन तथा सहकारीमन्त्री विमल ठकुरीं मूपाहाँ कथं त्वाःदेवाय् मत च्याकाः उलेज्या यानादिल  ।

अथेहेतुं ज्याझ्वलय् तार्केश्वर नगरपालिकाया मेयर कृष्ण महर्जन, पूर्व मन्त्री दिपेन्द्र श्रेष्ठ, समाजसेवी शेषनारायण श्रेष्ठ, सगरमाथा आरोही कल्पना महर्जन, मेकप आर्टिस्ट उमिशा पाण्डे, नृत्य निर्देशक प्रदिप रमण महर्जन लगायत विशेष पाहाँ कथं झायादीगु खः ।

लिटल नेशनालिटी स्टार 2081 या फाइनल राउण्डया निर्णायकय् वरिष्ठ पत्रकार व फिल्म निर्देशक विजयरत्न तुलाधर असंबरे, नांजाःम्ह हुलाप्याखंमि रमेश मुनिकार व मिसेज नेपाल युनिभर्स २ण्ज्ञड मनिषा डंगोल श्रेष्ठ च्वनादीगु खः ।

फाइनल राउण्डय् मिसा मस्तपाखे स्नेहा अधिकारी न्हाप लातसा फस्ट रनर अप ओश्मा प्रजापति व सेकेन्ड रनर अप सुम्निमा लामा जुल ।

अथेहेतुं मिजं मस्तपाखे अनुभव गौतमं सिरपाः त्याकलसा फस्ट रनर अप नमश राज शाक्य व सेकेन्ड रनर अप उर्मिश स्थापित जूगु खः ।

अथेहेतुं जुनियर ब्वइजया सिरपाः रौनक डंगोलं व जुनियर गर्लया सिरपाः साइंसा शाक्यं त्याकल ।

अथेहेतुं उगु कासाय् मस्त पपुलर सिरपाः उर्भिस स्थापित, बेस्ट क्याटवाक युकफुङ लिम्बु, बेस्ट पर्सनालिटी समृद्धि श्रेष्ठ, बेस्ट स्माइल मुस्कान यादव , फोटोजेनिक नमस राज शाक्य जुया दिलसा जुनियर गर्ल्सय् सेकेन्ड रनर अप प्रकृति महर्जन व फर्स्ट रनर अप सानिमा देसार जूगु खः ।

Categorized in कला