नेवा: अनलाइन न्युज | नेपाल संवत ११४४ कौलागा षष्ठी (२०८१ कार्तिक ७ गते) बुधवाः

येँ महानगरपालिकां सच्छि व च्याम्ह (१०८म्ह) करार कर्मचारी माग याःगु दु ।

येँ महानगरं थौं बुधवाः छगू सुचं सार्वजनिक यासें मेडिकल अधिकृतनिसें ज्याकुथि ग्वाहालिमितकया कर्मचारी माग याःगु खः ।

महानगरं लोकसेवा आयोगपाखें सिफारिस जुयाः मवःतलेतक असार मसान्ततकया नितिं जक करारय् ज्या याकेगु कथं कर्मचारी माग याःगु खः ।

महानगरं च्यागूगु तहया मेडिकल अधिकृत प्यम्ह, न्यागूगु तहया ल्याब टेक्निसियन नीगुम्ह, न्यागूगु तहया फिजियोथेरापी असिस्टेन्ट स्वीनिम्ह न्यागूगु तहया स्टाफ नर्स न्याम्ह माग याःगु दु ।

अथेहे, फार्मेसी ग्वाहालिमि झिम्ह, रेडियो ग्राफर तथ्यांक ग्वाहालिमि छम्ह छम्ह माग याःगु दु । महानगरं श्रेणीविहीन नीखुम्ह ज्याकुथि ग्वाहालिमितकं माग याःगु दु ।

Categorized in लजगाः