येँय् थ्वइगु जुल ‘कन्दरा’
नेवा: अनलाइन न्युज | नेपाल संवत ११४५ कछलाथ्व सप्तमी (२०८१ कार्तिक २३ गते) शुक्रवाः
येँ, लिपांगु इलय् नेपाली म्ये लय्हनाया साङ्गीतिक पुचःया सक्रियता अप्वयेगु जुयावःगु दु । ‘नेपथ्य’, ‘१९७४ एडी’ लगायतया साङ्गीतिक पुचलं विश्व भ्रमण यायेधुंकाः पोखरेली लोकपप रक साङ्गीतिक पुचः ‘कन्दरा ब्याण्डं’ नेपालं हे भ्रमण शुरु यायेत्यंगु दु ।
थःगु ३२ दँया साङ्गीतिक यात्राय् न्हापांखुसि येँय् थ्वइगु ‘न्हापां थःगु देय्, अले मेपिनिगु देय्’ अभियान न्ह्याकीगु ‘कन्दरा ब्याण्ड’या म्ये हालमि ९भोकलिस्ट० विवेक श्रेष्ठं न्ह्यथनादिल ।
वय्कलं धयादिल, “जिमिसं लय्हना ययेकीपिं ल्यायेम्हल्यासेतय्गु पुचः दयेकाः विश्वन्यंक प्रस्तुति ९कन्सर्ट० बिइ धुंकूसां नं येँय् न्हापांखुसि थ्वयेकेत्यनागु दु । जिमिसं थन छगू नं ज्याझ्वः यानागु मदुनि, जिपिं थःथवं हे छक्क जुयाच्वना । उकिं थ्व विश्व भ्रमणया सुरुआत येँय् नं यायेत्यनागु दु, थ्व देछाः ल्वःमंके हे मफइगु दयेकेत जिमिसं छुं हे कसर त्वःतेमखु ।”
कन्दरां कन्हय् शनिवाः ठमेलया छगू क्लबय् थःगु साङ्गीतिक देछाः बिइ । अनंलिपा चितवन, बुटवल व नेपालगञ्जय् देछा बिइगु म्ये हालमि श्रेष्ठं न्ह्यथनादिल । नेपाःया ज्याझ्वः लिपा वइगु दँ सन् २०२५ य् देछाःया लागि विश्व भ्रमणय् वनी । थ्व पुचलय् ‘ड्रम्स’य् सुनील थापा व ‘लिड गितार’य् देव लामा दिइ ।
