येँया २२ वडाय् नं सहलह मयासें लँ चीब्या यायेत स्वयेवं बिरोध
नेवा: अनलाइन न्युज | नेपाल संवत ११४४ दिल्लाथ्व त्रयोदसी (२०८१ श्रावण ३ गते) शुक्रवाः
येँ महानगरपालिकाया मेयर बालेन शाह नं स्थानीयबासी व सम्बन्धित वडाया वडाअध्यक्ष लिसें सल्लाह हे मयाःसे २२ वडाय् लाःगु न्हू सतकया लँ चीब्या यायेगु ज्या न्ह्याकूवं द्वपं २२ वडाया स्थानिय् जनता थौं शुक्रवाः निसें सतकय् कुहाँवया बिरोध यानाच्वंगु दु।
म्हिगः २४ वडा लाःगु न्हू सतकया जुद्धसालिक निसें वघः तकया लँ चिब्या यायेगु ज्या महानगरपालिकां याःगु खःसा थौ। जुद्ध शालिकं पुलांगु नगरपालिका भवनतकया लँ चिब्या यायेत्यंगु खः।
तर उगु २२ वडाया वडाध्यक्ष चिनकाजी महर्जन निसें छुं नं कथंया सल्लाह मयासें मेयर बालेनं थथे थः यःसें ज्या याःगु धासें थःगु वडाय् छुं नं ज्याख याये न्ह्यः सल्लाहा ब्याका जक ज्या यायेमाःगु माग २२ वडाया जनतां याःगु दु ।
स्थानिय् जनतां आः नं न्हू सकतय् च्वनाच्वंगु दुसा गुगु हालतय् वडा नाप सहलह मयासें २२ लँय् ज्या मयाकेगु खँ धाःगु दु ।
न्हूसतकय् लँ चीब्या यानाः पेटी तब्या यायेगु ज्या २३, २१ वडाय् नं जाम लिसें थीथी समस्या वइगु धासें थौ २३ वडाया वडाअध्यक्ष चिनीकाजी मर्हजन, २१ वडाया अध्यक्ष उयदय चुडामुणी बज्रचार्यपिं नं बिरोध ज्याझ्वलय् ब्वति काःगु खः।
