नेवा: अनलाइन न्युज | नेपाल संवत ११४५ कछलाथ्व सकिमना पुन्ही (२०८१ कार्तिक ३० गते) शुक्रवाः

येँ महानगरपालिका १६ गंगाहल लिक्क सतकय् बसया ठक्करं मोटरसाइकल चालक सीगु दु ।

सु.प.प्र. ०२–००१ ख १३३० ल्याःया बसं प्रदेश ३–०२–००७ प ७६१० ल्याःया मोटरसाइकलयात ठक्कर नकूबलय् मोटरसाइकल चालक सीगु खः ।

बिहिवाः बहनी दुर्घटना जुयाः मोटरसाइकल चालक येँ महानगरपालिका १६ माछापोखरी च्वनीम्ह १८ दँया युनिक खड्का सीगु प्रहरीं जानकारी ब्यूगु दु ।

दुर्घटनाय् लानाः तच्वकं घाःपाः जूम्ह खड्का त्रिवि शिक्षण अस्पतालय् वासः यायेगु झ्वलय् सीगु खः ।

लिसें दुर्घटनाय् घाःपाः जूम्ह मोटरसाइकलय् च्वनावःम्ह छम्हेसिगु हेम्स अस्पताल धुम्बाराहीइ वासः जुयाच्वंगु दु ।

बस चालकयात प्रहरीं नियन्त्रणय् काःगु दु ।

Categorized in दुर्घटना-अपराध