यल महानगरं चिइकल बालकुमारी लागाया सुकुम्बासी बस्ती
![](https://www.newaonlinenews.com/sites/default/files/yela%2030.jpg)
नेवा: अनलाइन न्युज – ललेन्द्र शाक्य | नेपाल संवत ११४४ दिल्लाथ्व अस्तमि (२०८१ असार ३० गते) आइतवाः
यल महानगरपालिकां बालकुमारीनिसें च्यासःतकया सुकुम्बासी बस्ती चिइकूगु दु ।
आइतवाः सुथय् यल महानगरया नगर प्रहरी बलं उगु लागाया सुकुम्बासी बस्ती चिइकूगु खः । असार २१ गते यल महानगरं न्हयन्हुया दुने बस्ती खाली यायेत धाःगु खः ।
सुकुम्बासी बस्ती चिइकेत पूर्व सुचं ब्यूसां नं इमिसं अटेर यानाः च्वनाः च्वंगुलिं नगर प्रहरीं बाधय जुयाः आइतवाः सुथय् चिइकूगु महानगरं जानकारी ब्यूगु दु ।
महानगर प्रहरी प्रमुख सीताराम हाछेथुया कथं गुखा छेँ, टहरा निर्माण यानाः च्वंगु बस्ती चिइकूगु खः । इपिं थ्यंमथ्यं २५ दँ न्ह्यःनिसें महानगरया जग्गा हडपेयानाः च्वनाच्वंगु खः ।
बस्ती त्वःतूपिन्त थःगु व्यवस्थापन यायेत महानगरं न्हापा हे धाःगु धासें वं सार्वजनिक जग्गा महानगर मातहतय् हयाः व्यस्थापन यायेगु धाःगु दु ।
Categorized in स्थानिय-समाज