२०७५ फाल्गुण २०, सोमबार ११:४१:३१

लज्या मिस्तय्गु तिसा खः धकाः धायेगु याः । तर तिसां नं मेमेगु तिसा ज्वलं थें पाय्छि मात्राय् दःसा बांलाइ उप्वः जुल धाःसा तिसा नं हिसि दइमखु । अथे हे यक्व मछालेगु लज्या चायेगु नं स्वास्थ्यया दृष्टिं उलि बांलाःगु खँ धाःसा मखु । थथे उप्वः मछालीपिं मनूत समाज व मनूतय् पुचःया दथुइ मिलय् जुयाः च्वने फइमखु । इपिं हुलय् मिलय् जुयाः च्वने फइमखु धकाः छगू ग्याःचिकु पहः मनं दुने निसें दयाच्वनी । थुगु हे कारणं यानाः यक्व मछालीपिं मनूत समाजय् मिलय् जुया च्वनेत थाकुइगु व इमित ‘सोसल एंग्जाइटी डिसअर्डर’ नांगु ल्वय् जुइफइगु खँ छगू अनुसन्धान पुचलं पितब्यूगु दु ।
    मछालेगु मामलाय् मिसा जक मखु मिजंत नं उलि हे मछाःपिं दु । थ्व हे लज्ज्याया कारणं यक्व मनूत थासय् थ्यने मफयाच्वंगु नं दु । इलय् हे थज्याःगु ल्वय्यात कजय् कायेफत धाःसा यक्वसिया भिं नं जुइगु खनेदु । थ्व ल्य्यात गथे यानाः कजय् यायेगुलय् न्ह्यसः वयेफु । थुकियात निताजि ह्वलं प्रयोग यायेफु । तर थुगु ल्वय्यात गथे यानाः न्हसिकेगु धैगु छगू समस्या नं दु । थुकिया बारे अमेरिकाया नेशनल इन्ष्टिच्यूट अफ मेन्टल हेल्थया विशेषज्ञतय्सं थ्व ल्वय्या छुं लक्षणत न्ह्यथंगु  दु । गथेकि छम्ह मनू हुलया दथुइ दु व अतिकं सतर्क खनेदु । वैत । वैत अनं छुं मखुगु जुइला धकाः मनय् ग्यानाच्वनीगु, अथे हे सुं मनूतय्सं नं थःत अपमान याइला धकाः ग्याना च्वनीगु व मेपिंस वैत हे नजर तयाच्वन ला धकाः सशंकित जुयाच्वनीगु अथे हे मेपिं दथुइ थःगु मत तयेगु खँय् नं थुमित भचा समस्या वइगु व ख“ ल्हाल्हां छु धायेत्यनागु हे ल्वःमना वनीगु नापं थ्व ल्वचं यानाः छु छु शारीरिक ल्वय् नं खनेदयावइ । यक्व चिन्तित जुइगु चःति यक्व वइगु थर्थर खाइगु, नये मयइगु आदि ।
थथे मछाःया तिसा नं छगू ल्वय् जुइफु उकिं सकसिंया थुकी नं ध्यान बीमाः ।