भन्सार दर थाहाँ वंबलय् लुँया मूपाखे न्हूगु रेकर्ड
![](https://www.newaonlinenews.com/sites/default/files/loon%20woha1_109.jpg)
नेवा: अनलाइन न्युज – ललेन्द्र शाक्य | नेपाल संवत ११४४ अस्तमि (२०८१ जेष्ठ १८ गते) शुक्रवाः
लुँया मू थौं शुक्रवाः न्हूगु रेकर्ड जूगु दु ।
नेपाल सुनचाँदी व्यवसायी महासंघया कथं थौं शुक्रवाः लुँया भाः तोलाया १ लख ४२ हजार २ सय तका थ्यंगु दु ।
न्ह्यःया दिंया तुलनाय् थ्व मू १ हजार ७ सय तका अप्वः खः । बजेटपाखें सरकारं लुँपाखे तुइगु भन्सार दर थकायेधुंकाः नेपाःया बजारय् लुँया मू नं न्हूगु रेकर्ड दयेकूगु खः ।
लुँइ तुइगु भन्सार दर १५ प्रतिशत जूगुलि बजेटपाखें २० प्रतिशत थ्यंकूगु खः । महासंघं बिहिवाः व शुक्रवाः उगु भन्सार दर समायोजनलिसें मू क्वःछ्यूगु खः ।
थ्वसिबें न्ह्यः जेठ ७ गते लुँया मू नं थ्वसिबें न्ह्यःया फुक्क रेडर्क तोडेयाःगु खः । उगु दिं १ लख ४१ हजार ८ सय तकां लुँया कारोवार जूगु खः ।
वहःया मू धाःसा तोलाय् २५ तका क्वाहाँ वःगु दु । न्ह्यःया दिं तोलाया १ हजार ९ सय तकां कारोवार जूगु वहः थौं शुक्रवाः १ हजार ८ सय ७५ तका कायम जूगु दु ।
Categorized in बजाः