बस्ती दुगु थासय् रेलमार्ग दयेकेत्यंगु धासें गाडी च्याकल
![](https://www.newaonlinenews.com/sites/default/files/iiiiii.jpg)
नेवा: अनलाइन न्युज – निश्चल | नेपाल संवत ११४४ दिल्लाथ्व एकादशी (२०८१ श्रावण २ गते) बुधवाः
चितवनय् रेलमार्गया सर्भे वंगु पुचःया गाडीइ स्थानीय जनतां मिं तयाब्यूगु दु ।
थौं बुधवाः हिनय् भरतपुर महानगरपालिका वडा नम्बर ७ कृष्णपुर थ्यंगु आरएच कन्सल्टेन्सीया गाडीयात स्थानीय नियन्त्रणय् काःगु खः ।
नियन्त्रण लिपा उमिसं गाडीइ मिं तःगु प्रहरीं न्ह्यथंगु दु ।
पूर्वपश्चिम रेल मार्ग निर्माण यायेग नितिं हेटौंडा पाखें बर्दघाट तक कन्सल्टेन्सी अध्ययन यानाच्वंगु खः ।
स्थानीय जनतां बस्ती दुगु थासय् रेलमार्ग दयेकेत्यंगु धासें विरोध यानावयाच्वंगु खःसा संघर्ष समिति दयेका मन्त्रालययात तक ध्यानाकर्षण याकावयाच्वंगु खः ।
Categorized in स्थानिय-समाज