नेवा: अनलाइन न्युज | नेपाल संवत ११४५ कछलागा पंचमी (मंसीर ५ गते) बुधवाः

येँ, आर्थिक दँ २०८१–८२ या न्हापांगु प्यला दुने थ्यंमथ्यं ८४ अर्ब सरकारी त्यासा थपे जूगु दु । सार्वजनिक ऋण व्यवस्थापन ज्याकुथिया कथं नेपाःया कुल सार्वजनिक ऋण, कुल गार्हस्थ्य उत्पादन ९जिडिपी०या ४४ प्रतिशत पुलेधुंकूगु दु ।     

“थुगु आव न्ह्याःबलय् कुल सार्वजनिक त्यासा २४ खर्ब ३४ अर्ब ९ क्वति जूगुली कात्तिक मसान्तत क ८३ अर्ब ९५ क्वति अझ अप्वयाः कुल सार्वजनिक ऋण २५ खर्ब १८ अर्ब ५ क्वति थ्यंगु दु”, ज्याकुथिं सार्वजनिक याःगु प्रतिवेदनय् थथे धयातःगु दु, “गुगु कुल जिडिपीया ४४ दशमलव १४ प्रतिशत जूवइ ।”     

विदेशी मुद्राया विनिमय दरय् वःगु ह्यूपाःया हुनिं वंगु असोज मसान्ततकया तुलनाय् कात्तिक मसान्ततक प्यंगू अर्ब ९८ क्वति बराबर सार्वजनिक ऋण म्ह्वः जूगु प्रतिवेदनय् न्ह्यथनातःगु दु । ज्याकुथिया कथं कुल सार्वजनिक ऋणमध्ये आन्तरिक त्यासा दायित्व१२ खर्ब ५२ अर्ब १६ क्वति १८ लख व बाह्य ऋण दायित्व १२ खर्ब ६५ अर्ब ८९ क्वति ७२ लख बराबर दु । जिडिपीया लिधंसाय् त्यासा प्रतिशत स्वयेबलय् आन्तरिक त्यासा २१ दशमलव ९५ प्रतिशत व बाह्य ऋण २२ दशमलव १९ प्रतिशत खः ।     

सरकारं थुगु आवया लागि न्यागू खर्ब ४७ अर्ब सार्वजनिक ऋण परिचालन यायेगु आज्जु तःगु दु । न्हापांगु प्यलातक छगू खर्ब ६५ अर्ब ७२ क्वति त्यासा कायेधुंकूगु दु । वार्षिक आज्जुया तुलनाय् कुल सार्वजनिक ऋण काःगु ३० दशमलव ३० प्रतिशत खः ।     

थुगु आवया निंतिं सरकारं स्वंगू खर्ब ३० अर्ब आन्तरिक त्यासा कायेगु आज्जु तःगुली वार्षिक आज्जुया ४३ दशमलव ६४ प्रतिशत अथे धइगु छगू खर्ब ४४ अर्ब न्हापांगु प्यलाय् काःगु दु । अथे हे, निगू खर्ब १७ अर्ब बाह्य त्यासा कायेगु वार्षिक आज्जु दूगुली कात्तिक मसान्ततक १० दशमलव १ प्रतिशत अथे धैगु २१ अर्ब ७२ क्वति त्यासा कायेधुंकूगु दु ।     

थुगु आवय् सरकारी त्यासाया साँवाब्याज भुक्तानी यायेत सरकारं प्यंगू खर्ब निगू अर्ब बराबरया बजेट विनियोजन याःगु खः । कात्तिक मसान्ततक छगू खर्ब ८ अर्ब १४ क्वति साँवाब्याज भुक्तानी जुइधुंकूगु ज्याकुथिया प्रतिवेदनय् न्ह्यथनातःगु दु । कुल जिडिपीया लिधंसाय् कात्तिक मसान्ततकया ऋणया साँवाब्याज पुलेत जूगु खर्च एक दशमलव ९ प्रतिशत बराबर खः ।  रासस

Categorized in राष्ट्रिय