नेवा: अनलाइन न्युज – ललेन्द्र शाक्य | नेपाल संवत ११४४ तछलाथ्व दसमी (२०८१ असार २ गते) आइतवाः

नेपाल आयल निगमं पेट्रोल, डिजल व मचिकंया भाः क्वकाःगु दु ।

शनिवाः च्वंगु निगम संचालक समितिया बैठकं पेट्रोलय् प्रतिलिटर स्वतका व डिजल व मचिकनय् प्रतिलिटर छतका दां क्वकाःगु खः ।

क्वाहाँ वःगु मू शनिवाः चान्हय् १२ ता ईनिसें लागू जूगु खः ।

मू क्वाहाँ वयेधुंकाः स्वनिगः, पोखरा व दिपायल जःखः पेट्रोलया मू प्रतिलिटर १६५ तका कायम जूगु दु ।

अथेहे, सुर्खेत व दाङ जःखः प्रतिलिटर १६४ तका, चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी  वीरगञ्ज जःखः प्रतिलिटर १६२ तका कायम जूगु दु ।

अथेहे, डिजल व मचिकं प्रतिलिटर स्वनिग, पोखरा व दिपायल जःखः प्रतिलिटर १५२ तका, सुर्खेत व दाङ जःखः १५१ तका व  चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज जःखः १४९ तका कायम जूगु दु ।

Categorized in बजाः