नेवा: अनलाइन न्युज | नेपाल संवत ११४५ कछलाथ्व द्वादसी (२०८१ कार्तिक २८ गते) बुधवाः

उत्तरी पाकिस्तानया गिलगिट–बाल्टिस्तानय् बस दुर्घटना जुयाः कम्ती नं १४ म्ह मनूत सीगु दु ।

छगू ब्याहाया समारोहपाखें लिहाँ वयाच्वंगु २५ म्ह यात्रु ज्वनावःगु बस मंगलवाः बहनी खुसिइ कुतुंवंगु स्थानीय प्रहरी ज्याकुथिं बुधवाः एएफपीयात जानकारी ब्यूगु खः ।

उद्धारया नितिं घटनास्थलय् खटेजूम्ह वजीर असद अलीं धाःगु दु, “बसय् २५ म्ह च्वनावःगु खः व आःतक १४ म्हेसिगु सीम्ह लिकाये धुनागु दुसा झिम्ह अझ नं बेपत्ता जुयाच्वंगु दु ।”

गिलगिट–बाल्टिस्तानया पहाडी क्षेत्रया प्रहरी अधिकारीं घटनाया पुष्टि यासें तनाच्वंपिनिगु मालेगु ज्या जुयाच्वंगु जानकारी ब्यूगु दु ।

Categorized in अन्तर्राष्ट्रिय