२०७७ पौष २१, मंगलबार १४:४५:४८

भाःतं कलाःपिन्त धोखा ब्यूगु झीसं न्यनाः वयाच्वनागु दु । तर, नाइजेरियाय् छगू अजुचायापूगु कथं दुर्लभ कथंया घटना जूगु दु ।

गन छम्ह करोडपति मनूयात थः न्याम्ह कलाःपिन्सं पालंपाः मद्दिक्क बलात्कार याःगु खः । इमिगु उगु बलात्कार उगु इलय् तक न्ह्यात कि गुबले तक उम्ह करोडपति मनूया प्राण मवन । न्याम्ह कलाःपिन्सं थः भाःतया प्राण मवंतले बलात्कार यात ।

उम्ह करोडपति मनूया खुम्हम्ह (छैटौं) कलाःयात अप्वः माया याःगु द्वपं बिसें न्याम्ह कलाःपिन्सं थःपिनि हे भाःतयात बलात्कार याःगु खः ।

नाइजेरियाया बुखँ पौ डेली पोष्टय् पिथंगु रिपोर्टया कथं वंगु वा करोडपति युरोको ओनोजा थः दकले लिपायाम्ह कलाः (खुम्हम्ह)लिसे शारीरिक स्वापू तयाच्वंगु इलय् लाकाः उम्ह मनूया न्याम्ह कलाःपिं छुरा व लाठी ज्वनाः थः भाःतयात धम्की बिइत वंगु खः ।

उपिं न्याम्हं कलाःपिन्सं थःपिंलिसें यौन स्वापू तयेगु प्रस्ताव तल । करोडपति ओनोजां विरोध यात । तर, थः भाःतया विरोधयात कयाः उपिं न्याम्हं कलाःपिन्सं नं विरोध यानाः धम्की बिल ।

कलाःपिनिगु धम्की खनाः ग्यात करोडपति भाःतम्ह । भाःतयात वरिष्ठताया आधारय् पालंपाः फुक्कलिसे यौन स्वापू तयेकल । तर, न्याम्हम्ह कलाःयागु पाःवलय् भाःतम्हेस्यां थःगु प्राण त्वःतेधुंकूगु जुयाच्वन ।