न्यान्हुया दुने हाकनं थाहाँ वन ख्येँया भाः
नेवा: अनलाइन न्युज | नेपाल संवत ११४४ गुँलागा एकादसी (२०८१ भाद्र १३ गते) बिहिवाः
न्यान्हु न्ह्यः थाहाँ वंगु ख्येँया भाः शुक्रवाःनिसें लागु जुइगु कथं हाकनं थकाःगु दु ।
नेपाल लेयर्स कुखुरा पालक संघं शुक्रवाःनिसें लागु जुइगु कथं मू थकायेगु निर्णय याःगु खः ।
लेयर्स संघया बिहिवाः च्वंगु भौतिक भर्चुअल बैठकं चितवनयात आधार दयेकाः ख्येँया समर्थन मू क्वःछ्यूगु खः ।
आः मध्यम ख्येँया मू प्रति क्रेट ४ सय ३५, तःग्वःगु ख्येँ प्रतिक्रेट ५ सय १० व एक्सएल ख्येँ प्रतिक्रेट ५ सय २५ तका कायम जूगु दु ।
थ्वसिबें न्ह्यः भाद्र ८ गते एक्सएल ख्येँया मू प्रतिक्रेट न्यातका, तःग्वःगु व मध्यम ख्येँझितका दामं थकयाः एक्सएल ख्येँ प्रतिक्रेट (३० ग्वःया) ५ सय ५ तका कायम जूगु खः ।
अथेहे, तःग्वःगु ख्येँ ४ सय ९५ तका व मध्यम ख्येँया मू ४ सय २५ तका क्वःछ्यूगु खः ।
Categorized in बजाः