नेवा: अनलाइन न्युज | नेपाल संवत ११४५ कछलाथ्व एकादसी (२०८१ कार्तिक २७ गते) मंगलवाः

यूएईस जुयाच्वंगु आईसीसी यू–१९ मिसा टी–२० विश्वकप छनोट अन्तर्गत प्यक्वःगु कासाय् नेपालं कुवतेयात १६५ रनं बुकूगु दु ।

कप्तान पूजा महतोया सानदार अलराउण्ड प्रदर्शनय् नेपालं तब्यागु अन्तरं त्याकूगु खः । २१४ रनया विशाल आज्जु कःघाःगु कुवेतयात नेपालं ४८ रनय् हे अलआउट याःगु खः ।

कुवेतयात अःपुक त्याकेगु झ्वलय् नेपाःया कप्तान महतों ४ ओभरय् छगू मेडन तसें ८ रन बियाः ५ विकेट काःगु खः । नेपाःया रचना कुमारी व सीमाना केसीं निगू निगू विकेट काःगु खः ।

कुवेतया जीफा जिलानीं ३६ रन दयेकेगु बाहेक मेपिं सुं नं ब्याटरं दोहोरो ल्याः मुंके मफुत ।

थ्वसिबें न्ह्इ दुबईस च्वंगु दी सेभेन्स मैदानय् न्हापां ब्याटिङ याःगु नेपालं निगू विकेट गुमेयानाः २१३ रनया विशाल योगफल दयेकूगु खः ।

नेपाःया कप्तान पूजा महतो ६९ बलय् १७ चौकाया ग्वाहालिं १३० व सोनी पाख्रिनं निगू चौकालिसें ४३ रनय् अविजित जूगु खः । इमिसं स्वक्वःगु विकेटया नितिं १५७ रनया साझेदारी याःगु खः । सावित्री धामी ११ व सान प्रविनं ६ रन मुंकूगु खः ।

कुवेतया जिफा जिलानी व रेलिन मारिया डी सोउजां छगू छगू विकेट काःगु खः ।

कासाय् न्यागू मध्ये प्यंगू कासा त्याकूगु नेपालं थ्वसिबें न्ह्इ यूएईलिसे जक पराजित जुइमाःगु खः । आः यूएईलिसेबुधवाः लिपांगु कासा म्हितीगु जूगु दु ।

प्यंगू टोली सहभागी छनोट कासाय् डबल राउण्ड रोविनया आधारय् कासा जुयाच्वंगु दु व शीर्ष थासय् च्वनीगु टोली जक यू९ मिसा टी–२० विश्वकपय् छनोट जुइ ।

Categorized in कासा