नां जाम्ह गायक योगेश्वरया मां लामु अमात्य नेपाःया न्हापाम्ह नर्स घोषणा
नेवा: अनलाइन न्युज – निश्चल | २०७४ बैशाख १८, सोमबार ००:०२:१७
सरकारं मदुम्ह लामु अमात्ययात नेपाःया न्हापाम्ह नर्स घोषणा याःगु दु ।
स्वास्थ्य मन्त्रालयय् आइतबाः जुगु ज्याझ्वलय् स्वास्थ्यमन्त्री गगनकुमार थापां अमात्यया फुक्क प्रमाण व तथ्यया आधारय् न्हापाम्ह नर्स घोषित यासें वयकःया काय् नां जाम्ह गायक योगेश्वर अमात्ययात आधिकारिक प्रमाणपत्र हस्तान्तरण यात
मदुम्ह अमात्य सन् १९५४ य् कलकत्ता मेडिकल कलेज पाखें स्टार्फ नर्स उत्तीर्ण यानादिगु खः । वयकलं विसं २०१२ फागुन ३० गते स्वास्थ्य मन्त्रालयअन्तर्गत नर्सिङ तालिम परियोजनाया नितिं लोकसेवा पाखें न्ह्याकादिगु खः । नेपालय् आःतक न्हापाम्ह नर्स सु धइगु ताः ई न्ह्यः निसें अन्योल लानाच्वंगु खः । मदुम्ह लामु व उमादेवी दासया परिवारं न्हापाम्ह नर्स थःपिन्त घोषणा यायत मन्त्रालयमा दाबी याना वयाच्वंगु खःसा निगूलिं पक्षं पेस याःगु प्रमाणया आधारमा लामुयात न्हापाम्ह नर्स घोषित याःगु खः ।
वयकःया काय् योगेश्वर अमात्यं पश्चिम बङ्गालया दार्जिलिङय् १९८८ माघ १४ थः मां लामु बुगु व २०६९ जेठ १९ गते मदुगु ताः ई तक देय्या सेवा याःगु ज्या यात सम्बोधन जुगु बिचाः प्वंकादिगु खः ।
अमात्यं थः मांया नामं जेहेन्दार छात्रातय्त नर्सिङ अध्ययनया नितिं यायेगु बिचाः दुगु याकनं हे थ्व ज्या यात कयाः निर्णय यायेगु बिचाः प्वंकादिगु खः ।
