नेवा: अनलाइन न्युज – ललेन्द्र शाक्य | नेपाल संवत ११४४ पंचमी (२०८१ जेष्ठ १५ गते) मंगलवाः

थौं मंगलवाः लुँया भाः तोलाय् प्यसः तका थाहाँ वंगु दु ।

नेपाल सुनचाँदी व्यवसायी महासंघया कथं थौं मंगलवाः लुँ तोलाया १ लख ३७ हजार ६ सय तकां कारोवार जुयाच्वंगु दु ।

न्ह्यःया दिं १ लख ३७ हजार २ सय तकां कारोवार जूगु खः । बैशाख ७ गते लुँया भाः तोलाया १ लख ४१ हजार ८ सय तका थ्यंगु खः ।

अथेहे, वहःया भाः नं तोलाय् पीतका दां थाहाँ वंगु दु । महासंघया कथं थौं मंगलवाः तोलाया १ हजार ९ सय २० तकां वहः कारोवार जुयाच्वंगु दु । न्ह्यःया दिं १ हजार ८ सय ८० तकां वहः कारोवार जूगु खः ।

Categorized in बजाः