नेवा: अनलाइन न्युज – ललेन्द्र शाक्य | नेपाल संवत ११४४ खस्थि (२०८१ जेष्ठ १६ गते) बुधवाः

थौं बुधवाः लुँया भाः तोलाय् खुसः तका थाहाँ वंगु दु ।

नेपाल सुनचाँदी व्यवसायी महासंघया कथं बुधवाः लुँ तोलाया १ लख ३८ हजार २ सय तका मू क्वःछ्यूगु दु ।

न्ह्यःया दिं १ लख ३७ हजार ६ सय तकां लुँ कारोवार जूगु खः । जेठ ७ गते लुँया भाः आःतकया हे उच्च तोलाया १ लख ४१ हजार ८ सय तका थ्यंगु खः ।

अथेहे, वहःया भाः धाःसा तोलाय् झितका दां थाहाँ वंगु दु । महासंघया कथं थौं बुधवाः वहः तोलाया १ हजार ९ सय ३० तकां कारोवार जुयाच्वंगु दु ।

न्ह्यःया दिं १ हजार ९ सय २० तकां वहः कारोवार जूगु खः ।

Categorized in बजाः