नेवा: अनलाइन न्युज | नेपाल संवत ११४४ गुँलागा दसमी (२०८१ भाद्र १२ गते) बुधवाः

लुँया मू आःतकया हे उच्च जूगु दु । नेपाल सुनचाँदी व्यवसायी महासंघं थौं बुधवाःया नितिं लुँया भाः तोलाया १ लख ५३ हजार १ सय तका क्वःछ्यूगु दु ।

थ्वसिबें न्ह्यः भाद्र ५ गते १ लख ५३ हजारया उच्चतम मू रेकर्ड जूगुलि छवाःया  दुने हे तोडेजूगु दु ।

न्ह्यःया दिंया तुलनाय् थौं बुधवाः तोलाय् ८ सय तका थाहाँ वंगु खः । न्ह्यःया दिं तोलाया १ लख ५२ हजार ३ सय तकां कारोवार जूगु खः ।

अथेहे, वहःया मू तोलाय् न्यातका दां थाहाँ वंगु दु । न्ह्यःया दिं १ हजार ८ सय ५० तका जूगु वहः थौं तोलाया १ हजार ८ सय ५५ तका कायम जूगु दु ।

Categorized in बजाः