चीनय् जुगु बौद्ध सम्मेलनय् महासचिव बज्राचार्यपाखें ब्वति
नेवा: अनलाइन न्युज | नेपाल संवत ११४४ कौलागा दुतिया (२०८१ कार्तिक ३ गते) शनिवाः
येँ,जःलाखःला देय् चीनया मिङ्गो शहरय् जुगु खुक्वःगु अन्तर्राष्ट्रिय बौद्ध सम्मेलनय् धर्मोदय सभाया महासचिव सागरमान बज्राचार्य व लुम्बिनी विकास कोषया उपाध्यक्ष ल्हारक्याब लामां ब्वतिकया दिइगु दु ।
सम्मेलनय् नेपाली प्रतिनिधिमण्डलया पाखें महासचिव बज्राचार्यं ‘बज्रयानय् पञ्चबुद्ध’ विषयलय् ज्यापौ न्ह्यब्वया दिइगु खः । ज्यापौ न्ह्यब्वयेगु झ्वलय् वय्कलं भवगवान् बुद्ध जन्म जूगु पवित्र भूमि नेपाःलय् जीवनय् छक्वः पलातया थःगु जीवन सार्थक यायेत नं सहभागी देय्या प्रतिनिधितयेत आह्वान याना दिल । उगु सम्मेलन अक्टुवर १४ य् न्ह्याना थौं क्वचागु खः ।
Categorized in नेवाः