नेवा: अनलाइन न्युज | नेपाल संवत ११४५ कछलागा दुतिया (२०८१ मंसीर २ गते) आइतवाः

पूर्वी चीनय् छम्ह मिजं नं चक्कु प्रहार याःबलय् च्याम्ह मनूत सीगु दुसा १७ म्ह घाःपाः जूगु दु ।

सिन्ह्वा समाचार एजेन्सीया कथं चियाङसु प्रान्तया यिक्सिङ सहरय् च्वंगु उसी भोकेस्नल इन्स्टिच्युट अफ आर्टस् एण्ड टेक्नोलोजी कलेज परिसरय् २१ दँया मिजं नं चक्कु प्रहार याःगु खः । वयात प्रहरीं नियन्त्रणय् कयाः अनुसन्धान यानाच्वंगु दु ।

वं थःम्ह यानागु अपराध स्वीकार तकं यायेधुंकूगु दु । प्रहरीया कथं व स्नातक तहया परीक्षाय् फेल जूगु खः । उकिं इन्टर्नसिपया झ्वलय् म्हो पारिश्रमिक कायेखनीगु जुयाः व तंम्ह्वःगु खः । वहे हुनिं वं आक्रमण याःगु प्रारम्भिकर अनुसन्धानपाखें सीदूगु प्रहरीं जानकारी ब्यूगु दु ।

चीनय् १२ नोभेम्बरया दिं झुहाई सहरय् छम्ह मनुखं मनूतय्गु भीड दुने कार ब्वाकूबलय् ३५ म्ह मनूत सीगु खः ।

Categorized in अन्तर्राष्ट्रिय