नेवा: अनलाइन न्युज | नेपाल संवत ११४४ कउलाथ्व चौथि (२०८१ असोज २० गते) आइतवाः

गाजाया नागरिक सुरक्षा निकायं आइतवाः मध्य देइर अल–बालाहय् च्वंगु छगू मस्जिद परिसरय् जूगु इजरायली आक्रमणय् लानाः २१ म्ह मनूत सीगु जानकारी ब्यूगु दु ।

मस्जिदयात लिपांगु ई विस्थापितपिन्त तयेगु आश्रयस्थल दयेकूगु खः ।

एजेन्सीया प्रवक्ता महमुद बसालं धाःगु दु, “गाजाया मध्य क्षेत्र देइर अल–बालाहय् च्वंगु अल अक्सा शहीद अस्पतालया ध्वाखा न्ह्यःने इजरायलं याःगु बमबारीया हुनिं सीपिनिगु ल्याः २१ म्ह थ्यंगु दुसा तःधंगु ल्याखय् घाःपाः जूपिं दु ।”

इजरायली सेनां छगू विज्ञप्ति सार्वजनिक यासें आक्रमणया जिम्मेवारी काःगु दु ।

विज्ञप्तिइ धयातःगु दु, “मस्जिदय् दुने च्वंगु कमाण्ड एण्ड कन्ट्रोल सेन्टर दुने सक्रिय हमासया आतंकारीपिन्त आक्रमण याःगु खः ।”

Categorized in अन्तर्राष्ट्रिय