नेवा: अनलाइन न्युज | नेपाल संवत ११४५ कछलागा पारु (२०८१ मंसिर १ गते) शनिवाः

ख्वप, ख्वपय् ट्र्याक्टर दुर्घटना जुयाः छम्ह मन्तसा मेपि न्याम्ह घाःपाः जूगु दु ।     

चाँगुनारायणं ख्वपया डेकोचापाखे वयाच्वंगु ना २ त ९३४० ल्याःया ट्र्याक्टर अनियन्त्रित जुयाः सतकं क्वय् क्वब्वानां ट्र्याक्टरय् च्वनाःवनाच्वंम्ह चाँगुनारायण नगरपालिका–५ य् च्वंम्ह ४५ दँया हरिगोविन्द सुवालया वासः जुइगु झ्वलय् थौं मदुगु जिल्ला प्रहरी ज्याकुथि ख्वपया प्रहरी नायब उपरीक्षक ढुण्डीराज न्यौपानें न्ह्यथादीगु दु ।     

दुर्घटनाय् ट्र्याक्टरय् च्वनाःवंपिं चाँगुनारायण–५ या ३५ दँदुम्ह राधिका अवाल, ६० दँदुम्ह गोपाल कोजु, ४४ दँदुम्ह राधेश्याम सितिखु व ७४ दँदुम्ह पूर्णकेसी शिल्पकारयात ख्वप अस्पतालय् सामान्य वासः यानाः छें लिछ्वयेधुंकूगु वय्कलं धयादिल ।     

दुर्घटनाय् घाःपाः जूम्ह ड्राइभर ख्वप नगरपालिका–२ व्यासी च्वनीम्ह ४८ दँदुम्ह गणेश सुवालया धाःसा ख्वप अस्पतालय् वासः जुयाच्वंगु दु ।   

Categorized in दुर्घटना-अपराध