खुसिबालं पीडिततय्त रोशी गापाया ग्वाहालि
नेवा: अनलाइन न्युज – निश्चल | नेपाल संवत ११४५ कछलागा दुतिया (२०८१ मंसीर २ गते) आइतवाः
काभ्रेपलाञ्चोक, रोशी गाउँपालिकां खुसिबालं पीडिततय्त ग्वाहालि यायेत थुगु आर्थिक दँया बजेट संशोधन याःगु दु । चिकुला जुइधुंकूगुलिं गाउँपालिकां थथें खुसिबाःपीडिततय्त ग्वाहालि यायेया निंतिं गाउँसभाया विशेष अधिवेशनं बजेट फ्याःगु खः । गाउँसभाया १५ क्वःगु अधिवेशनं विपद् कोषय् निगू क्वति ८० लख विनियोजन यानाः माःगुकथं पीडिततय्त इनेगु क्वछ्यूगु गाउँपालिकाया अध्यक्ष दिनेश लामां धयादिल । ग्वाहालि ध्यबा क्षति जूगु भौतिक पूर्वाधार दयेकेत छ्यलेत्यंगु खः । उगु पालिकाय् खुसिबाःया हुनिं १२ म्ह मदूगु खःसा प्यसः व ८२ खा छेँ पूवंक व च्यासः व ८३ खा छेँय् आंशिक क्षति जूगु खः । अथे हे, नीन्यासः व ४४ खा छेँजःया बुँइ तकं क्षति जूगु खः । खुसिबालं यानाः सच्छि व ६० गू खानेपानी आयोजना, छुँ पक्की ताँ, खुसः व ४७ गू ब्वनेकुथि, प्यंगू स्वास्थ्य केन्द्र, १० गू खाताया अस्पताल, चिस्यान केन्द्र व औद्योगिक ग्राम स्यंगु खः ।
