नेवा: अनलाइन न्युज – ललेन्द्र शाक्य | नेपाल संवत ११४४ दिल्लागा चौथी (२०८१ श्रावण १० गते) बिहिवाः

नेपाली कांग्रेसपाखें निर्वाचित जनप्रतिनिधि किपू नगरपालिकाया मेयर राजकुमार नकर्मीयात थौं बिहिवाः आकाझाकां येँया वीर अस्पतालया भेन्टिलेटरय् तयाः वासः यानाच्वंगु दु ।

किपूया मेयर नकर्मीया स्वास्थ्य अवस्था जटिल जूगु दु । किपू नगरपालिकाया प्रवक्ता लिसें कायममुकायम प्रमुख शुभलक्ष्मी शाक्य सुनितां किपूया नगर प्रमुख राजकुमार नर्कीया आः वीर अस्पतालया भेन्टिलेटरय् तयाः वासः जुयाच्वंगु जानकारी बियादीगु खः ।

किपू नगरपालिकाया का.मु. प्रमुख शाक्यया कथं नगर प्रमुख नकर्मीया स्वास्थ्य अवस्था जटिल जूगु खँया जानकारी चिकित्सकपिन्सं ब्यूगु धाःगु दु ।

किपूया नगर प्रमुख नकर्मीयात छवाः न्ह्यः स्वास्थ्य अवस्था स्यनेधुंकाः वीर अस्पताल भर्ना याःगु खः । नकर्मीयात ताःई न्ह्यःनिसें जलास्यँ (किड्नी) सम्बन्धी ल्वय्या वासः याकाः वयाच्वंगु खः ।

Categorized in स्थानिय-समाज