नेवा: अनलाइन न्युज | नेपाल संवत ११४५ कछलागा दुतिया (२०८१ मंसीर २ गते) आइतवाः

किपूया मेयरया नितिं राष्ट्रिय स्वतन्त्र पार्टी (रास्वपां) उम्मेदवारी मबिइगु धाःगु दु ।

थ्वहे मंसीर १६ गते जुइगु मतदानया नितिं उम्मेदवारी दर्ता मयायेगु रास्वपाया येँ सभापति प्रदीप विष्टं जानकारी ब्यूगु दु ।

सभापति विष्टं धाःगु दु, “जिमिगु उम्मेदवारी दइमखु । स्वतन्त्र उम्मेदवारमध्ये सुयात समर्थन यायेगु धैगु खँय्पार्टीं निर्णय याइ ।”

तर, सु स्वतन्त्र उम्मेदवारयात समर्थन यायेगु धैगु सभापति विष्टं धाःगु मदुनि ।

थ्वसिबें न्ह्यः रास्वपां किपुली जयराम कार्कीयात उम्मेदवार यायेगु तयारी याःगु खः ।

किपूया मेयर नेकपा एमालेया डा. सुरेन्द्र मानन्धर, नेपाली कांग्रेसया कृष्णमान डंगोल, नेकपा माओवादी केन्द्रपाखें प्रा.डा. शिवशरण महर्जन, राप्रपाया ई. ध्रुव महर्जन, नेपाया दिलकुमार महर्जन उम्मेदवार दु ।

एकीकृत समाजवादी व नेसपाया महिन्द्रराय यादव पुचलं धाःसा किपूया मेयर पदय् माओवादी केन्द्रया उम्मेदवार प्रा.डा. शिवशरण महर्जनयात समर्थन यायेगु सहमति जूगु दु ।

Categorized in राजनीति