नेवा: अनलाइन न्युज – ललेन्द्र शाक्य | नेपाल संवत ११४४ दिल्लागा चौथी (२०८१ श्रावण १० गते) बिहिवाः

किपू नगरपालिकाया कार्यवाहक प्रमुख लिसें प्रवक्ता शुभलक्ष्मी शाक्य सुनितां नगर प्रमुख राजकुमार नकर्मीया शिघ्र स्वास्थ्यलाभया कामना यानादीगु दु ।

कार्यवाहक प्रमुख शाक्य थौं बिहिवाः छगू विज्ञप्ति सार्वजनिक यासें थथे स्वास्थ्यलाभया कामना यानादीगु खः ।

कार्यवाहक प्रमुख शाक्यया ल्हाःचिं तयाः सार्वजनिक जूगु विज्ञप्तिइ धयातःगु दु, “थुगु नगरपालिकाया नगर प्रमुख राजकुमार नकर्मी वंगु ताःई न्ह्यःनिसें मृगौलाया समस्याया हुनिं वासः याकाः वयाच्वंगु व वय्कःया स्वास्थ्य अवस्थाय् थप समस्या वःगुलि आः वीर अस्पताल, येँय् सघन उपचार कक्ष (आइसीयू)स वासः याकाः वयाच्वंगु जुयाः नगरपालिकाया सकल जः नगर प्रमुख नकर्मीया शिघ्र स्वास्थ्य लाभया कामना यानाच्वना ।”

किपूया नगर प्रमुख राजकुमार नकर्मीयात छवाः न्ह्यः स्वास्थ्य अवस्था स्यनेधुंकाः वीर अस्पताल भर्ना याःगु खः । नकर्मीयात ताःई न्ह्यःनिसें जलास्यँ (किड्नी) सम्बन्धी ल्वय्या वासः याकाः वयाच्वंगु खः ।

Categorized in स्थानिय-समाज