नेवा: अनलाइन न्युज – ललेन्द्र शाक्य | नेपाल संवत ११४५ कछलागा पंचमी (मंसीर ५ गते) बुधवाः

किपू नगरपालिका वडा ल्याः ४ या वडाध्यक्ष उम्मेदवार अभिलास बुढाथोकीं मंसीर १६ गते आइतबाः जुइगु स्थानीय तह उपनिर्वाचनया नितिं थःगु नां लित काःगु दु ।

बुधवाः किपू २ वडा द्यःध्वाखाय् च्वंगु स्थानीय निर्वाचन अधिकृतया ज्याकुथिइ बुढाथोकीं थःगु नां लितकाःगु खः ।

किपू नगरपालिकाय् उपनिर्वाचनया नितिं मेयरया उम्मेदवारया नितिं २० म्ह उम्मेदवार दु ।

अथे हे वडाध्यक्ष उम्मेदवारमध्ये १ वडाया नितिं ९ म्ह उम्मेदवार दु । थ्व हे झ्वलय् ४ वडाय् १३ म्ह वडाध्यक्ष उम्मेदवारत दु, उकीमध्ये अभिलास बुढाथोकीं थःगु नां लित काःगु दु ।

निर्वाचन आयोगं थौं बुधवाः न्हिनसिया स्वता ईनिसें न्याता ईतक उम्मेदवारपिन्त निर्वाचन चिं लःल्हायेगु ज्याझ्वः तयातःगु दु ।

Categorized in स्थानिय-समाज