नेवा: अनलाइन न्युज | नेपाल संवत ११४५ कछलाथ्व द्वादसी (२०८१ कार्तिक २८ गते) बुधवाः

अमेरिकाया न्हूम्ह निर्वाचित राष्ट्रपति डोनाल्ड ट्रम्पं एलन मस्कयात “डिपार्टमेन्ट अफ गभर्मेन्ट इफिसिन्सी” डिओजीई प्रमुख पदय् नियुक्त याःगु दु ।

थ्व पद औपचारिक क्याबिनेट पद धाःसा मखु । थुकिया आज्जु सरकारी खर्च कटौटी व दक्षता सुधार यायेगु खः ।

डोनाल्ड ट्रम्पयात मस्कं राष्ट्रपतिया चुनावय् ग्वाहालि याःगु खः । आः वं डोनाल्ड ट्रम्प नेतृत्वया सरकारी संयन्त्रयात आपालं प्रभावकारी यायेत ग्वाहालि याइगु जूगु दु ।

एलन मस्कया नेतृत्वया ‘डिपार्टमेन्ट अफ गभर्मेन्ट इफिसिन्सी’ (डिओजीई) इ भारतीय मुलया विवेक राधास्वामीयात नंट्रम्पं नियुक्त याःगु दु ।

नियुक्तिबारे जानकारी बिइत सार्वजनिक याःगु विज्ञप्तिइ ट्रम्पं एलन मस्कयात “ग्रेट एलन मस्क” व विवेक रामाश्वामीयात “देशभक्त अमेरिकी” धाःगु दु ।

Categorized in अन्तर्राष्ट्रिय