नेवा: अनलाइन न्युज | नेपाल संवत ११४५ कछलागा चौथी (२०८१ मंसीर ४ गते) मंगवाः

थ्वहे वइगु मंसीर १६ गतेया नितिं तय जूगु स्थानीय तहया उपनिर्वाचनया नितिं थौं मंगलवाः उम्मेदवारया नांधलः सार्वजनिक याइगु जूगु दु ।

निर्वाचन आयोगया कथं थौं मंगलवाः सनिलया ५ ता ईनिसें ६ ता ईतक उम्मेदवारया नांधलः सार्वजनिक याइगु जूगु दु ।

उपनिर्वाचनय् ४४ पदया नितिं ४१० म्ह चुनावी मैदानय् क्वाहाँवःगु दु । जिल्ला समन्वय समिति प्रमुख निम्ह, नगरपालिका प्रमुख व उपप्रमुख लिसें गाउँपालिका नायः व न्वकू च्याम्ह व ३४ म्ह वडाध्यक्षया नितिं आइतवाः मनोनयन दर्ता याःगु खः ।

थ्वलिसें उम्मेदवारं बुधवाः सुथय् ९ ता ईनिसें न्हिनय् १ ता ईतक नां लितकायेफइगु जूगु दु । न्हिनय् १ निसें ३ ता ईतक लिपांगु नांधलः पिथनीगु जूगु दु । वधुंकाः न्हिनय् ३ ता ईनिसें ५ ता ईतक उम्मेदवारयात निर्वाचन चिं लःल्हाइगु जूगु दु ।

मंसीर १६ गते सुथय् ७ ता ईनिसें सनिलया ५ ता ईतक मतदान जुइगु जूगु दु ।

Categorized in राष्ट्रिय