नेवा: अनलाइन न्युज | नेपाल संवत ११४५ कछलागा तृतीया (२०८१ मंसीर ३ गते) सोमवाः

लेबनानया राजधानी बेरुतय् इजरायलंयाःगु आक्रमणपाखें हिजबुल्लाहया संचार प्रमुखलिसें स्वम्ह सीगु दु ।

बेरुतय् च्वंगु सिरियाया बाथ पार्टीया ज्याकुथिइ निशाना दयेकाः इजरायलं याःगु हवाई हमलापाखें हिजबुल्लाहया संचार प्रमुख मोहम्मद अफिमलिसेंस्वम्ह सीगु स्थानीय टिभी च्यानल अल जदिदं जानकारी ब्यूगु दु ।

इजरायली लडाकु विमानं रस अल नबा क्षेत्र रसोडेया स्क्वायर कमर्सियल सेन्टरया दथुइ लाःगु ज्याकुथिइ आक्रमण याःगु खः । आक्रमण न्ह्यः इजरायलं पार्टी ज्याकुथि खाली यायेत धाःगु खः ।

समाचार एजेन्सी सिन्हुवां बेरुतया टिभी च्यानल अल जदिदयात उदृत यासें च्वःगु समाचार कथं आक्रमणपाखें पार्टी ज्याकुथि च्वनाच्वंगु भवनया अधिकांश हिस्सा नष्ट जूगु दु । भग्नावेशष चिइकूसें पीडितपिन्त उद्धार यायेगु आज्जुं एम्बुलेन्सत तैनाथ याःगु खः ।

इजरायली सेनां सन् २०२४ या सेप्टेम्बर २३ निसें हिजबुल्लाहविरुद्ध लक्षित यासें लेबनानय् हवाई आक्रमण तीव्र याःगु दु । अक्टुबरया सुरुनिसें इजरायलं थःगु उत्तरी सिमानापाखेया लेबनानया भूमिइ जमिनपाखें हे प्रहार यानाः वयाच्वंगु दु ।

लेबनानया स्वास्थ्य मन्त्रालयया कथं इजरायलया आक्रमणपाखें लेबनानय् सीपिनिगु ल्याः ३ हजार ४ सय ५० सिबें अप्वः थ्यंगु दुसा १ हजार ४ सयसिबें अप्वः मनूत घाःपाः जूगु दु ।

Categorized in अन्तर्राष्ट्रिय