नेवा: अनलाइन न्युज | नेपाल संवत ११४५ कछलाथ्व खस्थि (२०८१ कार्तिक २२ गते) बिहिवाः

अमेरिकी राष्ट्रपति निर्वाचनय् बुइधुंकाः उपराष्ट्रपति कमला ह्यारिसं थः समर्थकपिन्त डोनाल्ड ट्रम्पया जित स्वीकार यायेत इनाप याःगु दु ।

चुनावी लिच्वःलिपा बुधवाः वाशिंगटन डिसीइ च्वंगु हावर्ड विश्वविद्यालयस जूगु थःगु सम्बोधनय् कमला ह्यारिसं थःगु आदर्शया नितिं गुबलें पराजित मजुइत समर्थकपिन्त इनाप याःगु दु ।

ह्यारिसं धाःगु दु, “चुनावया परिणाम गुगु वल व झीसं चाहेजूगु कथं मजुल, तर झीसं चुनावी लिच्वःयात सम्मान यायेमाः । आः सत्ता शान्तिपूर्ण रुपं हस्तान्तरण जुइमाः ।”

थः समर्थकया निराशा फायेत ह्यारि चुनावी अभियान म्येलिसें दबुली थ्यंकूगु खः । उगु झ्वलय् ह्यारिसं थः रनिङ मेट, मिनेसोटा राज्यया गर्भनर टिक वाल्ज, अभियान कर्मचारी, समर्थक, पोल वर्कर व चुनावी अधिकारीपिन्त सुभाय् बिल ।

ह्यारिसया भाषणया झ्वलय् आपालंथें समर्थक ख्वबि हुयाच्वंगु लू खनेदूगु खः । चुनावय् बूगुया बाबजुद नं थःम्हं ल्ह्वनागु मुद्दाया नितिं संघर्ष यानातुं च्वनेगु ह्यारिसं प्रतिबद्धता प्वंकूगु दु । गुकिया नितिं थःम्हं अभियान न्ह्याकेगु घोषणा नं ह्यारिसं याःगु दु ।

बुधवाः वःगु लिच्वलय् डेमोक्रेटिक पार्टीया ह्यारिस रिपब्लिकन पार्टीया उम्मेदवार ट्रम्पलिसे पराजित जूगु खः ।

राष्ट्रपति पदय् रिपब्लिकन पार्टीया उम्मेदवार ट्रम्प २७० इलेक्टोरल भोटसिबें अप्वः लिच्वः हयाः विजयी जूगु खःसा कमला ह्यारिस पराजित जूगु खः ।

Categorized in अन्तर्राष्ट्रिय