nepal life

“आज्जुइ थ्यंकेत तसकं मेहनत यायेमाः” –क्रिष्टियानो रोनाल्डो

नेवा: अनलाइन न्युज | २०७४ फाल्गुण १, मंगलबार १४:२८:४९

“जिमिके अनुभव दु, पीएसजी बल्लाःगु टिम खः”

क्रिष्टियानो रोनाल्डों स्वीकार याःगु दु कि पेरिस सेन्ट जर्मे (पीएसजी)यात बुकेत रियल मड्रिड थःगु लयसं लिहाँ वयेमाः ।

च्याम्पियन्स लिगय् पीएसजीलिसे म्हिते न्ह्यः क्रिष्टियानो रोनाल्डों रियल सोसिडाडविरुद्ध ह्याट्रिक याःगु खः । वं छगू अन्तरवार्ताय् धाःगु दु, “च्याम्पियन्स लिगय् न्हापांगु चरणय् थ्यंकेत जिमिसं अतिकं ध्यान बिइमाः व निगू शानदार कासा म्हितेमाः ।”

रोनाल्डों पीएसजी उत्कृष्ट कासामिपिं दूगु बल्लाःगु टिम जूगु तर रियल मड्रिडं तःक्वःमछि आपालं अनुभवी कासामिपिनिगु बल्लाःगु टिम जूगु प्रमाणित यायेधुंकूगु धाःगु दु ।

क्रिष्टियानो रोनाल्डों धाःगु दु, “जिमिसं पीएसजीयात सम्मान याये तर जिपिं आपालं एकताबद्ध जुयागु दु ।”

थुगु सिजन रोनाल्डोलिसें रियल मड्रिडया प्रदर्शन नं बांलाःगु मदु । रोनाल्डों धाःगु दु, “अय्सां अनुभवं जितः स्यंगु दु कि आज्जुइ थ्यंकेत तसकं मेहनत यायेमाः ।”

Categorized in कासा