nepal life

‘जिके अझ शक्तिशाली परमाणु स्वीच दु’ –ट्रम्प

नेवा: अनलाइन न्युज | २०७४ पौष १९, बुधबार ११:१६:१२

किम जोङ उनयात डोनाल्ड ट्रम्पयात लिसः

अमेरिकी राष्ट्रपति डोनाल्ड ट्रम्पं आक्रामक भाषां उत्तर कोरियाली नेता किम जोङ उनयात लिसः ब्यूगु दु ।

अमेरिकी राष्ट्रपति ट्रम्पं ट्वीटरय् च्वयातःगु दु, “किम जोङयात सुनां धयाब्यु कि छगू परमाणु स्वीच जिके नं दु । व, जिके दूगु स्वीचं ज्या नं याइ ।”

थ्वसिबें न्ह्यः न्हूदँया लसताय् याःगु सम्बोधनय् किम जोङ उनं अमेरिकायात ख्याच्वः बिसें परमाणु बम लञ्च यायेगु स्वीच थःगु डेक्सय् हे दइगु धाःगु दु ।

उकिया निन्हु लिपा लिसः बिसें अमेरिकी राष्ट्रपति ट्रम्पं धाःगु दु, “उत्तर कोरियाया नेता किम जोङ उनं धालकि वया डेस्कय् न्ह्याब्लें छगू न्यूक्लियर बटन दइ । वया कमजोर व नसाया नितिं संघर्षरत साम्राज्यपाखें सुनानं वयात न्यंकाब्यु कि जिके नं छगू परमाणु बटन दु, गुगु उनया सिबें अतिकं तःधंगु व शक्तिशाली जू । लिसें जिगु परमाणु बटमं ज्या नं याइ ।”

(थ्व नं ब्वनादिसँ थन क्लीक यानाः)

‘जिके अझ शक्तिशाली परमाणु स्वीच दु’ –ट्रम्प

Categorized in अन्तर्राष्ट्रिय