nepal life

२१ दँ लिपा एभरेष्ट होटलया मालिक मस्कुर अहमद लारी जेलय्

नेवा: अनलाइन न्युज | २०७४ फाल्गुण १, मंगलबार १३:४५:५३

लागू वासः सम्बन्धी मुद्दाय् बिस्युं वनाच्वंम्ह २१ दँ लिपा गिरफ्तारय् लाःम्ह येँया बानेश्वरय् च्वंगु एभरेष्ट होटलया संचालक मस्कुर अहमद लारीयात जेल चलान याःगु दु ।

जिल्ला अदालत येँपाखें सोमवाः लारीयात पुर्पक्षया नितिं थुनाय् तयेत आदेश ब्यूगु येँ प्रहरी परिसरया एसपी रामदत्त जोशीं धयादीगु दु ।

वय्कःया कथं लारीयात केन्द्रीय कारागार सुन्धाराय् तयेयंकूगु खः ।

लारी माघ २५ गते गिरफ्तारय् लाःगु खः ।

सन् १९९७ स जर्मनीया विमानस्थालय् बरामद याःगु २५० केजी लागू वासः चरेसया अनुसन्धानया झ्वलय् लारीया संलग्नता दूगु सीदूगु खः ।

Categorized in दुर्घटना-अपराध