nepal life

२०१८ य् प्रलय वइगु ः वैज्ञानिकपिन्सं यात दाबी !

नेवा: अनलाइन न्युज | २०७४ मङ्सिर १०, आइतबार १५:१७:५४

पृथ्वीइ प्रलय वइगु भविष्यवाणी ला वैज्ञानिकपिन्सं आपालं दँसिनें यानावयाच्वंगु दु । आः नकतिनि जक वैज्ञानिकपिन्सं हाकनं भविष्यवाणी याःगु दु कि प्रलयया शुरुवात २०१८ निसें जुइ ।

मेगु दँ अर्थात् २०१८ व वधुंकाः दुनियाँया आपालं थासय् ततःधंगु भुखाय् ब्वइगु वैज्ञानिकपिन्सं ख्याच्वः ब्यूगु दु ।

युनिभर्सिटी अफ कोलोराडोया रोजर विल्हम व युनिभर्सिटी अफ मोटानाया वैज्ञानिकपिनिगु कथं पृथ्वीया चाःहिलीगु गति कम जुयाच्वंगु दु । उकिं यानाः संसारया आपालं थासय् भुखाय् ब्वइगु अनुमान याःगु दु ।

लिसें पृथ्वीया चाःहिलीगु गति न्हिया न्हिथं छुं मिलीसेकेण्ड कम जुयाच्वंगु व भुखाय् लिसे सम्बन्धित खतराया नितिं न्यादँ बाय् खुदँ न्ह्यः एडभान्स वार्निङ्ग बिइफइ ।

न्हिनय्या लम्बाई स्वयाः नं उगु विषयस डिजाष्टर प्लानिङ यायेफइ । रिचर्सय् दाबी यानाः धाःगु मदु कि मेगु दँ वइगु भुखाय् उगु क्षेत्रय् वनी धकाः ।

रेबेका व रोजरं धाःसा लिपांगु शताब्दीइ न्याक्वःतक ७ तीव्रताया भुखाय् वःगु खः । प्रत्येक पटक भुखाय्या सम्बन्ध पृथ्वीया चाःहिलीगु गतिइ स्वानाच्वंगु सीदूगु दु ।

Categorized in अन्तर्राष्ट्रिय