nepal life

१८ दँ न्ह्यःनिसें ‘मनूया ला’ नयाः वःपिं ‘नरभक्षी जोडी’ ज्वन

२०७४ कार्तिक २८, मंगलबार १२:३९:११

मनुखं मनूया हे ‘ला’ नःगु खँ न्यनेबलय् न्ह्याम्ह नं अजूचाइ व काचाक्क पत्याः तकं याइमखु । तर रुसया क्रासनोदर सिटीइ छगू जोडीं आपालं दँ न्ह्यःनिसें ३० म्ह मनूया हत्या यानाः ‘ला’ नःगु घटना पिहाँ वःगु दु । पुलिसं मनूया ‘ला’ नइपिं उपिं ‘नरभक्षी’ जोडीयात क्रासनोदर सिटीपाखें गिरफ्तार याःगु दु ।

३५ दँया दिमित्री बोकेशेव व वया नर्स कलाः नतालियायात विगत १८ दँनिसें ३० म्ह मनूत हत्या यानाः ‘ला’ नःगु द्वपनय् गिरफ्तार याःगु खः । लिसें इमिसं थःगु छेँय् ‘मानव ला’यात फ्रिजरय् तयाः उगु ‘ला’या अचार नं दयेकेगु याःगु खुलासा जूगु दु । पुलिसं उपिं जोडीया छेँपाखें मनूया १९ गू छ्यंगू नं बरामद याःगु दु ।

पुलिसं उपिं ‘नरभक्षी’ जोडीया छेँपाखें मनूया छ्यंगू जक मखू ८ गू मनूया सीम्हया थीथी ब्व नं बराबम याःगु खः । अनुसन्धानय् खटे जूपिं प्रहरीया कथं उपिं जोडीतसें थःगु छेँय् हे छगू भण्डार दयेकाः अन मनूया म्हगःया ‘ला’या कुचात तयेगु यानातःगु खः ।