नेवा: अनलाइन न्युज | २०७३ आश्विन १२, बुधबार १०:३८:०६

प्रतिनिधिसभाया समानुपातिकपाखे मधेसी समुदायया १५ प्रतिशत जक उपस्थित जुइगु खनेदूगु दु । न्हूगु संविधानय् व्यवस्था याःगु क्लस्टरतय्गु आधारय् निर्वाचन आयोगं समानुपातिकया ११० सिटया नितिं प्रतिशत छुटेयायेत गृहकार्य न्ह्याकूगु दु ।

उगु कथं आदिवासी जनजातिं २९ प्रतिशत, मुस्लिमं ४, थारुं ७, दलित (पहाडे व मधेसीं) १४ व मधेसीं १५ प्रतिशत कायेखनीगु खनेदूगु दु । खसआर्य समुदायं ३१ प्रतिशत कायेखनीगु जूगु दु ।

राज्य व्यवस्था समितिया बुधवाःया बैठकय् मू निर्वाचन आयुक्त अयोधिप्रसाद यादवं धयादी, “थ्वसिबें न्ह्यः ओभरल्यापिङ जुइ व ११६ प्रतिशततक जूगु खः । थुगुखुसि जिमिसं १०० प्रतिशतय् हे फुक्कसित हयेगु कुतः यानाच्वनागु दु ।”

वय्कःया कथं दलतसें आः थःगु पार्टीं कायेखंगु समानुपातिक सिटय् थ्व आधारय् हे प्रतिनिधि छनौट यायेमालीगु जुइ । लिसें क्वःछ्यूगु पुचःपाखें हे जुइमाः ।

थ्वसिबें न्ह्यः व्यवस्था कथं मधेसी थारु, मधेसी दलित धकाः निगू क्लस्टरया प्रतिधित्व याकेफइ । आः धाःसा थारु समुदायया कोटाय् थारु समुदायपाखें हे प्रतिनिधित्व याकेमाःगु व्यवस्था यायेगु निर्वाचन आयोगया तयारी दु ।

Categorized in राजनीति