nepal life

१३,००० सिबें अप्वः वेबसाइट बन्द यात चीनं

नेवा: अनलाइन न्युज | २०७४ पौष १३, बिहिबार ११:०७:२५

चीनं आःतकया दुने १३,००० सिबें अप्वः अवैध वेबसाइट बन्द याःगु दु । सन् २०१५ निसें आःतकया दुने चीनं १३,००० सिबें अप्वः वेबसाइट बन्द यायेधुंकूगु दु ।

अन्तर्राष्ट्रिय संचारमाध्यमया कथं चिनियाँ सांसदया स्थायी समितिया न्वकू वाङ सेङजुङं थुज्वःगु जानकारी बियादीगु खः ।

वय्कलं मेगु २,२०० वेबसाइटया संचालकपिन्त तकं सःताः खँल्हाबल्हा जुयाच्वंगु जानकारी बियादीगु दु ।

थुगु अवधिइ चीनं थःगु देसया इन्टरनेट सेवाया आचारसंहिता उल्लंघन याःगु धासें थ्यंमथ्यं १ करोड इन्टरनेटया थीथी सेवाया एकाउन्ट बन्द याःगु खः ।

चीनं उगु वेबसाइटं आतंकवादी पुचःयात ग्वाहालि याःगु व अश्लील लूया छ्यलाबुला याःगुलिं उगु वेबसाइट बन्द यानागु जानकारी ब्यूगु दु ।

(ने.सं. ११३८ पुस १३ गते गोरखापत्र न्हिपती पिदंगु बुखँ)

Categorized in पत्रपत्रिका