nepal life

१० लख तका दां घुस ः रंगेहात पौडेललिसें केसी अख्तियारया फन्दाय् !

नेवा: अनलाइन न्युज | २०७४ कार्तिक २९, बुधबार १३:४१:५९

अख्तियार दुरुपयोग अनुसन्धान आयोगं वैदेशिक रोजगार विभागया शाखा अधिकृत कृति बल्लभ पौडेलयात १० लख तका दां घुसलिसें गिरफ्तार याःगु दु ।

अख्तियारया केन्द्रीय ज्याकुथिया विशेष पुचलं पौडेलयात न्हूबानेश्वरय् च्वंगु इन्द्रेणी फुडल्याण्डपाखें गिरफ्तार याःगु खः ।

पौडेललिसें विभागया हे नायव सुब्बा खड्गबहादुर केसी नं गिरफ्तारीइ लाःगु दु ।

घुस कयाच्वंगु अवस्थाय् नेपाल प्रहरीया एसपी कमाण्डया पुचलं विशेष सुराकया लिधँसाय् पौडेल व केसीयात गिरफ्तार याःगु अख्तियार स्रोतं जानकारी ब्यूगु दु । रकम असुलीया प्रयोजनबारे अनुसन्धान जुयाच्वंगु दु ।

अख्तियारं वैदेशिक रोजगार विभाग व गु उकिया ज्याकुथियात विशेष निगरानीइ अपरेशन यानाः वयाच्वंगु दु ।

(थौं ने.सं. ११३८ कार्तिक २९ गते बुधवाः गोरखापत्र न्हिपती पिदंगु बुखँ)

Categorized in पत्रपत्रिका