nepal life

१० गू दलं दर्ता यात राष्ट्रियसभाया नितिं

नेवा: अनलाइन न्युज | २०७४ पौष २५, मंगलबार १६:३६:३५

निर्वाचन आयोगय् राष्ट्रियसभाया निर्वाचनया नितिं आःतकया दुने १० गू राजनीतिक दलं दल दर्ता याःगु दु ।

माघ २४ गते जुइत्यंगु निर्वाचनया नितिं आःतक १० गू राजनीतिक दलं जक दल दर्ता याःगु आयोगया कानून व राजनीतिक दल सम्बन्ध महाशाखाया शाखा अधिकृत धर्मचन्द्र तिमिल्सेनां जानकारी बियादीगु दु ।

तःधंगु पार्टी नेकपा एमाले व नेकपा माओवादी केन्द्रलिसें मधेशवादी दलं नं आःतक दल दर्ता याःगु मदुनि । तिमिल्सेनाया कथं नेपाली कांग्रेस, राष्ट्रिय जनमोर्चा, नेपाल संघीय समाजवादी पार्टी, नेपाल मजदुर किसान पार्टी, बहुजन शक्ति पार्टी, नेपाल परिवार दल, नेपाल नौलो जनवादी, राष्ट्रिय प्रजातन्त्र पार्टी (प्रजातन्त्रवादी) व विवेकशील साझा पार्टीं दल दर्ता याःगु दु ।

आयोगं थ्वहे पुस १४ गतेनिसें २८ गतेतक राष्ट्रियसभाया निर्वाचनया नितिं राजनीतिक दलयात दल दर्ताया ई ब्यूगु खः । राष्ट्रियसभाय् प्रत्येक प्रदेशपाखें च्याम्हया दरं ५६ म्ह निर्वाचित जुइ ।

Categorized in राजनीति