nepal life

हेलिकोप्टर दुर्घटना जुयाः साउदीया राजकुमार सित

नेवा: अनलाइन न्युज | २०७४ कार्तिक २०, सोमबार १२:३९:१४

हेलिकोप्टरय् च्वनावंपिं फुक्क सित

यमनया सिमाना लिक्क छगः हेलिकोप्टरया दुर्घटनाय् लानाः साउदी अरबया छम्ह राजकुमारया लिसें मेमेपिं उच्चस्तरीय अधिकारीपिं नं सीगु दु ।

राजकुमार मन्सुर बिन मुकरिन असीर प्रान्तया डिप्टी गभर्नर जुयाच्वंगु लिसें साउद अरबया क्राउन राजकुमार मुकरिन अल सउदया काय् नं खः । छु गथे जुयाः हेलिकोप्टर दुर्घटना जूगु खः व धाःसा आःतक नं सीमदुनि ।

हेलिकोप्टरय् च्वनावंपिं फुक्क मनूत सीगु खः । इतिहास कथं जुजु लसमान २०१५ स गद्दी च्वनेधुंकाः राजकुमारया अबु मोकरिन बिन अब्दुल अजीजयात ब्यागलं तःगु खः । व छुन्हु न्ह्यः जक साउदी अरबया एन्टी करप्सन कमिटीं झिंछम्ह राजकुमार, प्यम्ह मन्त्री व दर्जनौं पूर्वन्त्रीपिन्त हिरासतय् काःगु खः । वधुंकाः आकाझाकां राजकुमार मंसुर बिन मोकरिन सीगु खबर वःबलय् सकल अजू चाःगु दु ।

Categorized in अन्तर्राष्ट्रिय