nepal life

हाकनं विमानस्थलय् लुँ बरामद

नेवा: अनलाइन न्युज | २०७४ भाद्र २८, बुधबार ११:४४:१८

त्रिभुवन अन्तर्राष्ट्रिय विमानस्थलया पार्किङ एरियापाखें ख्वपया बालकोट–३ या ३२ दँया राजन बस्नेतयात थ्यंमथ्यं ७ लख ३१ हजार ७७५ तका दां बराबरया १५० ग्राम तौलया ३ थान लुँया चुरालिसें सोमवाः प्रहरीं गिरफ्तार याःगु दु ।

केन्द्रीय प्रहरी समाचार कक्षया कथं कतार एयरवेजया कतारया दोहापाखें येँय् वःम्ह बस्नेतयात जाँच याःगु झ्वलय् वयाके दूगु झोलाय् अवैध रुपं सुचुकाः हःगु अवस्थाय् उगु लुँ चुरा लुइकेधुंकाः वयात प्रहरीं गिरफ्तार याःगु खः । बरामद लुँ व बस्नेतयात माःगु कानूनी कारवाहीया नितिं त्रिभुवन विमानस्थल भन्सार ज्याकुथि, गौचर येँय् छ्वःगु खः ।

Categorized in दुर्घटना-अपराध